“Qəbələ” avrokubokların ilk oyununda səfərdə 2:1 hesabı ilə qələbə qazanan 4-cü Azərbaycan komandasıdı. Apasport.az saytının məlumatına görə, indiyədək rəqib meydanında bu hesabla qalib gələn bütün təmsilçilərimiz sonda mərhələ adlayıb.

2 dəfə “Qarabağ”, 1 dəfə “İnter” ilk oyunda 2:1 hesabı ilə qazandığı üstünlüyü evdə qoruya bilib. Maraqlıdı ki, onlardan heç biri cavab görüşündə qalib gəlməyib. Amma hər üç halda mərhələ keçən tərəf təmsilçimiz olub.

1999-cu ildə İntertoto kubokunda “Makkabi”ni (Hayfa, İsrail) səfərdə üstələyən “Qarabağ” sonradan evdə minimal hesabla uduzsa da, rəqib meydanındakı qol sayəsində mərhələ adlayıb. Ağdam klubu 2010-cu ildə Avropa Liqasında “Portadaun”u Şimali İrlandiyada məğlub etsə də, evdə bərabərliklə kifayətlənib – 1:1.

“İnter” isə eyni yarışın 2014/15 mövsümündə üstünlüyü əldən verib və matçı əlavə vaxta daşıyıb. Belə ki, “Hafnarfyordur” İslandiyada uduzduğu hesabla qələbə qazanıb. “İnter” yalnız əlavə vaxtda mərhələ keçmək üçün yetərli qolu vurub – 2:2.

Qeyd edək ki, Avropa Liqasının II təsnifat mərhələsinin Macarıstandakı ilk oyununda MTK-ni 2:1 hesabı ilə məğlub edən “Qəbələ” cavab matçını iyulun 21-də keçirəcək.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA