Azərbaycan futbolunda son 9 ilin antirekordu qeydə alınıb. Apasport.az saytının məlumatına görə, yeni mövsümdə I divizionda cəmi 10 komandanın mübarizə aparması son illərin ən aşağı göstəricisidi.
Belə ki, 2008/09 mövsümündən sonra belə az iştirakçı ilə I divizion baş tutmamışdı. Son 8 mövsümdə 12-16 arasında var-gəl edən bu rəqəm 2017/18 mövsümündə 10-a qədər enəcək.
Ümumilikdə isə bu göstərici antirekorddan çox-çox uzaqdı. Sonuncu dəfə 2008/09 mövsümündə cəmi 8 komandalı çempionata şahid olmuşuqsa, belə hallar çox yaşanıb. Hətta 1999/2000 mövsümündə cəmi 4 komandalı I dəstə olub. Bundan əvvəlki iki ildə - 1997/98 və 1998/99 mövsümlərində isə ümumiyyətlə aşağı liqa olmayıb.
Amma rekord göstəricilərə baxıb həsəd aparmaq da olar. Çünki I dəstədə 30 komandanın mübarizə apardığı 1993/94 mövsümü də var.
Son 10 mövsümdə I divizion komandalarının sayı
2008/09 - 8
2009/10 - 12
2010/11 - 14
2011/12 - 14
2012/13 - 13
2013/14 - 16
2014/15 - 16
2015/16 - 14
2016/17 – 14
2017/18 - 10
Oxşar xəbərlər
Ana səhifə
Bütün xəbərlər