[b]Azərbaycan kubokunun 24-cü finalı[/b]

04.05.2017 - 13:16

Sabah keçiriləcək “Qarabağ” – “Qəbələ” oyunu Azərbaycan kuboku tarixinə 24-cü final kimi düşəcək. Apasport.az saytının məlumatına görə, 1992-ci ildən keçirilən yarışda 25 mövsüm start götürsə də, biri sona çatdırılmayıb.

Keçirilən 23 finalda 16 komanda oynayıb. Mütləq rekord “Neftçi”yə məxsusdu – 10 final. 9-cu dəfə həlledici matçda iştirak edəcək “Qarabağ” 2-ci göstəriciyə malikdi. Ağdamlılar ardıcıl 3-cü dəfə bu raunda qədər irəliləyib. 5 belə matçın iştirakçısı olan “Xəzər Lənkəran” 3-cü sırada qərarlaşıb.

Tarixində 2-ci dəfə finala yüksələn “Qəbələ” birdən artıq belə görüş keçirəcək 8-ci komandadı. İlk “üçlük”dən başqa “Kəpəz”, “İnter” hərəsi 4, “Bakı” 3, “Şəmkir” 2 belə qüvvəsini sınayıb.

“Qarabağ” kuboku qazansa, 6-cı dəfə uğura imza atır və “Neftçi”nin rekordunu təkrarlayıb. Hazırda 5 qələbəsi olan ağdamlılar 2-cidi. Kubok sayında 3-cü olan “Kəpəz”in 4 uğuru var.

“Qəbələ” isə ilk dəfə kubok qazansa, 8-ci qalib olacaq. İlk “üçlük”dən başqa, “Bakı”yla “Xəzər Lənkəran” hərəyə 3, “Şəfa”yla Bakı “İnşaatçı”sı hərəyə 1 dəfə yarışın qalibi olub.

Azərbaycan kuboku: Bütün finallar

1992	“İnşaatçı” (Bakı)	“Kür” (Mingəçevir)	2:1, əlavə vaxtda
1993	“Qarabağ” (Ağdam)	“İnşaatçı” (Sabirabad)	1:0, əlavə vaxtda
1993/94	“Kəpəz” (Gəncə)	“Xəzər” (Lənkəran)	2:0
1994/95	“Neftçi” (Bakı)	“Kür” (Mingəçevir)	1:0
1995/96	“Neftçi” (Bakı)	“Qarabağ” (Ağdam)	3:0
1996/97	“Kəpəz” (Gəncə)	“Xəzri” (Bakı)	1:0
1997/98	“Kəpəz” (Gəncə)	“Qarabağ” (Ağdam)	2:0
1998/99	“Neftçi” (Bakı)	“Şəmkir”	0:0, pen 5:3
1999/2000	“Kəpəz” (Gəncə)	“Qarabağ” (Ağdam)	2:1
2000/01	“Şəfa” (Bakı)	“Neftçi” (Bakı)	2:1
2001/02	yarımçıq qalıb
2003/04	“Neftçi” (Bakı)	“Şəmkir”	1:0, əlavə vaxtda
2004/05	“Bakı”	“İnter” (Bakı)	2:1, əlavə vaxtda
2005/06	“Qarabağ” (Ağdam)	“Karvan” (Yevlax)	2:1
2006/07	“Xəzər Lənkəran”	“MKT-Araz” (İmişli)	1:0
2007/08	“Xəzər Lənkəran”	“İnter” (Bakı)	2:0, əlavə vaxtda
2008/09	"Qarabağ" (Ağdam)	"İnter" Bakı	1:0
2009/10	“Bakı”	“Xəzər Lənkəran”	2:1, əlavə vaxtda
2010/11	“Xəzər Lənkəran”	“İnter” (Bakı)	1:1, pen 4:2
2011/12	“Bakı”	“Neftçi” (Bakı)	2:0
2012/13	“Neftçi” (Bakı)	“Xəzər Lənkəran”	0:0, pen 5:3
2013/14	“Neftçi” (Bakı)	"Qəbələ"	1:1, pen.3:2
2014/15	"Qarabağ" (Ağdam)	“Neftçi” (Bakı)	3:1
2015/16	"Qarabağ" (Ağdam)	“Neftçi” (Bakı)	1:0, əlavə vaxtda