Bakının “İnter” klubunun avrokuboklardakı quru seriyası qırılıb. Apasport.az saytının məlumatına görə, ardıcıl 4 oyunda qol buraxmamaqla Azərbaycan rekorduna imza atan bakılılar 2 ildən sonra qapısında qol görüb.

Bu, Avropa Liqasının II təsnifat mərhələsinin “Fola” ilə Lüksemburqdakı cavab oyununda baş verib. Görüşün 21-ci dəqiqəsində fərqlənən Samir Hacı Zaur Svanadzenin yetirmələrini dayandırıb.

Bunadək “ağ-göylər”in buraxdığı son qol 2015-ci il iyulun 30-na təsadüf etmişdi. 721 gün əvvəl Bilbaoda “Atletik” bakılıların qapısına yol tapmışdı. 2:0 hesabı ilə başa çatan görüşdə son qolu Eraso 49-cu dəqiqədə vurmuşdu.

421 dəqiqədə sonra qol buraxan Azərbaycan rekordçusunun qapıçısı Səlahət Ağayev 2 il öncə “Atletik”lə cavab matçında (0:0), cari mövsümdə “Mladost”la hər iki (3:0, 2:0), “Fola” ilə ilk qarşılaşmada (1:0) qapısını toxunulmaz saxlamışdı.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi