[b]Bədavi Hüseynovun 40-cı sınağı[/b]

14.08.2017 - 16:38

Çempionlar Liqasının pley-off mərhələsinin “Kopenhagen”lə ilk oyunu “Qarabağ”ın futbolçusu Bədavi Hüseynov üçün əlamətdar olacaq. Apasport.az saytının məlumatına görə, milliləşən legioner avrokuboklarda 40-cı matçına çıxacaq.

Qitəmiqyaslı turnirlərdə yalnız Ağdam klubunun formasını geyinən müdafiəçi indiyədək 39 oyun keçirib. 2013/14 mövsümündə Avropa Liqasında şans qazanmaqla debütünü gerçəkləşdirən Hüseynov 4 ildə 39 matç keçirsə də, qol sevinci yaşamayıb.

Çempionlar Liqasında 12, Avropa Liqasında 27 dəfə meydana çıxan Bədavi 4 sarı vərəqə ilə cəzalanıb. Bunlardan ikisi Çempionlar Liqası, ikisi Avropa Liqasına təsadüf edib.