Futzal üzrə Azərbaycan millisi tarixində 5-ci dəfə Avropa çempionatının final mərhələsində mübarizə aparacaq. Apasport.az saytının məlumatına görə, tarixində ilk dəfə 2010-cu ildə buna nail olan yığmamız həmin vaxtdan həlledici raundun daimi iştirakçısıdı.

Amma yığmamızın ən yaxşı nəticəsi də elə debütə təsadüf edib. Macarıstanda öncə qrup, sonra 1/4 final səddini adlayan komandamız yarımfinal və III yer uğrunda matçlarda uduzub. 4-cü yer indiyədək yığmamızın bu yarışdakı ən yaxşı nəticəsidi.

Sonrakı 2 çempionatda qrupda qalan komandamız öncə 10-cu, sonra 9-cu olub.  2016-cı ildə bu sindromu yenidən qıran milli 1/4 finalda dayanıb. Yekunda 8-ci yerlə kifayətlənən komanda son 3 turnirin nəticələrində pillə-pillə irəliləyib.

Ümumilikdə isə yığmamız final mərhələlərində 12 matç keçirib. Hesabında 4 qələbə, 2 heç-heçə və 6 məğlubiyyət olan futzalçıalrımız 42 top vurub, 53-nü buraxıb.

Fevralın 2-də Fransa, 4-də İspaniya ilə görüşəcək yığmamız yubiley – 50-ci qolunu da vura bilər. Bunun üçün komandaya 8 qol lazımdı.

11-ci dəfə təşkil olunan yarışın ən titullu komandası İspaniyadı. Arxada qalan 10 çempionatdan 7-də qalib olan pireneylilər 1 gümüş və 2 bürünc də əldə edib. İki dəfə 1-ci, bir dəfə 2-ci, üç dəfə 3-cü olan İtaliya çempionluq sayında qitənin ikincisidi.

Son 3 çempionatın finalçısı Rusiyanın 1 qızıl, 5 gümüş və 2 bürüncü var. Ümumiyyətlə isə 8 komanda qitə çempionatının medalını əldə edib. AVRO-2003-də isə yarımfinalda uduzan hər iki komanda bürünc qazanıb.

4 yığma – Azərbaycan, Xorvatiya, Hollandiya və Serbiya isə yarımfinala qədər irəliləyib, sonda medalsız qalan yığmalardı.

• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub
• Türkiyə Kubokunda püşk atıldı - "Fənərbaxça"nın adı var, amma...