[b]Birinci divizionda fantastik sonluq[/b]

13.05.2016 - 19:33

Futbol üzrə Azərbaycan Birinci Divizionunda 26-cı tura yekun vurulub. Apasport.az saytının məlumatına görə, son tur 3-cü yerin sahibini də müəyyənləşdirib.

Qızıl medalları bir neçə tur öncədən təmin etmiş “Neftçala” və gümüş medallara yiyələnən “Qaradağ Lökbatan”ın ardından çempionatı 3-cü pillənin sahibi kimi “Ağsu” tamamlayıb.

MOİK və “Ağsu”nun xalları eyni olsa da, şəxsi oyunlarda ikinci öndədir.

Qeyd edək ki, son tur komandalar arasındakı matçlarda fantastik hesabların qeydə alınması ilə də diqqət çəkib. Belə ki, “Neftçala” öz meydanında “Energetik”in qapısından 10 cavabsız qol keçiribsə, MOİK də doğma arenada “Şahdağ”ı 9:1 hesabı ilə məğlub edərək, meydana çıxmağa peşman edib.

Birinci Divizionda 2015/2016-cı illər mövsümünün bombardiri aktivində 24 qolu olan Röyal Nəcəfovdur (MOİK). O, “Şahdağ”la oyunda 6 qol birdən vurub. İkinci sırada yer alan gürcü legioner David Janelidze isə Mingəçevir təmsilçisinin qapısından 5 top keçirib.

Birinci Divizion
26-cı tur
13 may

“Bakılı” - “Göyəzən” - 2:2
Qollar: Ramil Həşimzadə, 15, Əbülfət Abbasov, 31 - Vüsal İbrahimov, 55. Arzuman Vəliyev, 84.

“Neftçala” - “Energetik” - 10:0
Qollar: Aqşin Muxtaroğlu, 14. David Janelidze, 22; 33; 49; 72; 77, Məhəmməd Xəlilov, 64. Elvin Adışirinli, 70. Məlikməmməd Abbasov, 76. Məhəmməd Alıyev, 89.

“Turan” - “Şəmkir” - 1:0
Qol: Azər Məmmədov, 63.

“Qaradağ Lökbatan” - “Mil-Muğan” - 1:0
Qol: Cavid Muxtarzadə, 20.

“Zaqatala” - “Ağsu” - 1:1
Qollar: Elvin Nəsibov, 14 - Qalib Əmrahov, 73.

MOİK - “Şahdağ” - 9:1
Qollar: Röyal Nəcəfov, 7; 12; 17; 49; 52; 65-pen. Orxan Həsənov, 62. Sənan Bayramzadə, 81. Fuad Məmmədzadə, 83 - Sərxan Ağayev, 51-pen.

Yekun cədvəl

N	Klublar	O	Q	H	M	T-F	X
1	Neftçala	26	20	2	4	74-20	62
2	Qaradağ Lökbatan	26	18	4	4	59-28	58
3	Ağsu	26	13	8	5	46-29	47
4	MOİK	26	14	5	7	53-24	47
5	Şəmkir	26	10	8	8	30-24	38
6	Zaqatala	26	9	9	8	47-36	36
7	Turan Tovuz	26	10	6	10	35-31	36
8	Mil-Muğan	26	8	8	10	28-26	32
9	Bakılı	26	8	6	12	34-46	30
10	Şahdağ	26	8	6	12	31-54	30
11	Şərurspor	26	8	4	14	45-44	28
12	Göyəzən	26	3	8	15	17-42	17
13	Energetik	26	4	3	19	14-100	15
14	Bakı	26	9	3	14	33-42	1
Qeyd: FİFA-nın İntizam Komitəsinin qərarına əsasən “Bakı”nın 15 xalı silinib. Bombardirlər: Röyal Nəcəfov (MOİK) – 24 qol, David Janelidze ("Neftçala") - 21 qol