Almaniya Bundesliqasında 2015/16 mövsümünə yekun vurulub. Apasport.az saytının məlumatına görə, çempionatın yekun turunun bütün matçları eyni vaxtda başlayıb.

Son həftədə Avroliqaya vəsiqə verən yerlərlə yanaşı, Bundesliqada qalacaq komandaların kimliyinə də aydınlıq gəlib.

"Verder" son turda "Ayntraxt"a qalib gələrək, elitadakı yerini qoruyub saxlayıb. Frankfurtlular isə növbəti mövsümdə də yüksək liqada çıxış etmək üçün, pley-off oyununda 2-ci Bundesliqanın üçüncüsünü məğlub etməli olacaq.

Son turda "Volsfburq"a uduzan (1:3) "Ştutqart" isə “Hannover”dən sonra növbəti mövsümdə 2-ci Bundesliqada çıxış edəcəyi dəqiqləşmiş ikinci komanda olub.

Növbəti mövsümdə "Bavariya", "Borussiya" (Dortmund) və "Bayer" Çempionlar Liqasının qrup mərhələsində, Mönhenqladbax "Borussiya"sı isə təsnifat mərhələsində çıxış edəcək.

Avropa Liqasında isə Bundesliqanı "Şalke", "Maynts" və "Herta" təmsil edəcək.

İlk iki klub yarışa qrup mərhələsindən, "Herta" isə təsnifat mərhələsindən qoşulacaq.

 

Almaniya Bundesliqası

XXXIV tur

14 may

“Bayer” – “İnqolştadt” - 3:2

Qollar: Aranquis, 31. Kampl, 37. Kisslinq, 61 - Leki, 16. Hartmann, 69.

“Bavariya” – “Hannover” - 3:1

Qollar: Levandovski, 21. Qetse, 28; 54 - Sobyek, 66.

“Borussiya” D – “Köln” - 2:2

Qollar: Kastro, 11. Roys, 75 - Modeste, 27. Jojiç, 43.

“Auqsburq” – “Hamburq” - 1:3

Qollar: Finnboqason, 11 - Qreqoriç, 36; 75. Müller, 62. 

“Hoffenhaym” – “Şalke” - 1:4

Qollar: Uz, 41 - Huntelaar, 7. Çupo-Motinq, 15. Sane, 55. Şar, 89-a/q.

“Maynts” – “Herta” - 0:0

“Darmştadt” – “Borussiya” M - 0:2

Qollar: Hazard, 31, Han, 62.

“Volfsburq” – “Ştutqart” - 3:1

Qollar: Arnold, 11. Şürrle, 29; 92 - Didavi, 78.

“Verder” – “Ayntraxt” - 1:0

Qol: Ciloboji, 88

Bundesliqa, yekun cədvəli