[b]Çempionatlar tarixinin 28-ci komandası[/b]

25.04.2016 - 11:29

Topaz Premyer Liqasının XXXI turunun AZAL-la ev oyunu “Rəvan” üçün tarixi qələbə ilə əlamətdar olub. Apasport.az-ın PFL-in rəsmi saytına istinadən məlumatına görə, paytaxt klubu ölkə çempionatlarının yüksək dəstəsində 30-cu qələbəsini əldə edib.

1:0 hesabı ilə qalib gələn Bəhmən Həsənovun yetirmələri Premyer Liqadakı 131-ci oyunda 30-cu dəfə 3 xal əldə ediblər. Komandanın hesabında 33 heç-heçə və 68 məğlubiyyət də var. “Rəvan” 4 mövsüm ərzində 127 qol vurub, 206-nı buraxıb. Bakılılar 30 qələbədən 18-ni evdə, 12-ni səfərdə əldə ediblər.

Qeyd edək ki, “sarı-qırmızılar” qələbə sayında Azərbaycan çempionatları tarixinin 28-ci komandasıdı.