“Cenoa”nın prezidenti Enriko Pretsiozi son turlarda qeydə alınan uğursuzluqlardan sonra oyunçularını cəzalandırmaq qərarına gəlib. Apasport.az saytının məlumatına görə, o, futbolçuları bazaya həbs edib.

Klub rəhbəri bildirib ki, komanda A seriyasında qalmağı təmin edənə qədər heç kim bazadan kənara çıxa, hətta ailəsi ilə də görüşə bilməyəcək: “Oyunçulara başa saldım ki, onlar ailələrini görə bilməyəcəklər. Onlar bazaya gedəcəklər və bizi xilas edəcək matçı qazanana kimi orda çıxmayacaqlar. Ən pis halda iyunun 28-nə kimi orda qalacaqlar”.

Qeyd edək ki, “Cenoa” son 7 oyunun 6-da məğlub olub. Genuyalılar turnir cədvəlinin 16-cı pilləsində qərarlaşıb. B seriyasına düşmə sırasından onları cəmi 5 xal ayırır.

• "Sabah" - "Slaviya" və "Qalatasaray" - "Barselona" matçları bu kanallarda - TV AFİŞA
• “Samsunspor” baş məşqçisi ilə yollarını ayırdı – RƏSMİ
• “Arsenal” üç futbolçusu ilə müqaviləni yeniləyəcək
• Zirkzee “Mançester Yunayted”dən ayrılır
• “Fənərbaxça” – “Aston Villa” matçının hakimi müəyyənləşdi