Azərbaycan yığmasının futbolçusu Dmitri Nazarovun klubu “Karlsrue” növbəti oyununu keçirib. Apasport.az saytının məlumatına görə, komanda II Bundesliqanın XXVII turunda “Frayburq”un qonağı olub.

Gərgin mübarizə şəraitində keçən qarşılaşmanın taleyini 1 top həll edib. Belə ki, 58-ci dəqiqədə Mayk Frantsın yeganə qoluna sevinən meydan sahibləri görüşdən 3 xalla ayrılıblar. Son saniyələrdə bir oyunçusu qırmızı vərəqə alan “Karlsrue”də isə Dmitri Nazarov oyunu ehtiyat oyunçular skamyasında izləməklə kifayətlənib.

Qeyd edək ki, bu nəticədən sonra 35 xalda qalan “Karlsrue” turnir cədvəlinin 10-cu pilləsinə yuvarlanıb.

• Sneyder ilk dəfə danışdı: “İnsanlar niyə kökəldiyimi bilmirdilər...”
• “Fənərbaxça”nın əfsanəvi qapıçısı vəfat etdi
• Arda Gülər daha 6 il "Real"da – Maaşı artırıldı
• Dövlət Baxçalıdan Hacıosmanoğluya dəstək mesajı - FOTO
• Kontedən “Tottenhem” etirafı: “Məni dəli edən məhz bu idi”