İspaniya Sequndasında XXVIII turun oyunları keçirilir. Apasport.az saytının məlumatına görə, milli üzvü Eddi İsrafilovun şərəfini qoruduğu “Kadis” səfərdə “Ovyedo” ilə qarşılaşıb.

Görüş meydan sahiblərinin 2:1 hesablı qələbəsiylə nəticələnib. Millimizin üzvü oyuna ehtiyat oyunçular skamyasında başlayıb. Ancaq çox çəkməyib ki, baş məşqçi Alvaro Servera Eddinin xidmətinə ehtiyac duyub.

Belə ki, mütəxəssis Eddini matçın 31-ci dəqiqəsində, qarşılaşmada “Kadis”in yeganə qoluna imza atmış Servando Sançesin əvəzinə meydana buraxıb. İsrafilovun meydana çıxmasından sonra 2 qol buraxan “Kadis” səfərdən xalsız qayıdıb.

Qeyd edək ki, 28 turdan sonra hesabında 44 xal olan “Kadis” 22 komanda arasında 5-ci pillədə qərarlaşıb.

• “Milan”ın futbolçusu avrokuboklarda tarix yazdı
• “Qalatasaray”da ayrılıq siqnalı – Yeni transfer getmək istəyir
• “Beşiktaş”a Orkun Kökçüdən şad xəbər
• Salah Avropa futbolunda tarix yazdı
• İbrahimoviç “Milan”dakı vəzifəsindən ayrıldı