Qazaxıstanın Şımkent şəhərində keçirilən “Prezident kuboku” turnirində II tura start verilib. Apasport.az saytının məlumatına görə, 17 yaşadək futbolçulardan ibarət Azərbaycan millisi Tacikistan yığması ilə qarşılaşıb.

İlk turda İrana 0:3 hesabı ilə uduzan Rafiq Mirzəyevin yetirmələri bu dəfə 1 xalla kifayətlənib – 2:2. Oyunun 13-cü dəqiqəsində Kamran Quliyev hesabı açsa da,  asiyalılar fasiləyədək tarazlıq yaradıb. 46-cı dəqiqədə Şakir Seyidov yığmamızı yenidən irəli çıxarsa da, komandamız bu dəfə də üstünlüyü əldən verib.

Qeyd edək ki, millimiz qrupdakı son oyununda Rusiya-2 ilə görüşəcək. Avqustun 11-də baş tutacaq qarşılaşma Bakı vaxtı ilə saat 08:00-da başlayacaq.

• "Sabah" - "Slaviya" və "Qalatasaray" - "Barselona" matçları bu kanallarda - TV AFİŞA
• “Samsunspor” baş məşqçisi ilə yollarını ayırdı – RƏSMİ
• “Arsenal” üç futbolçusu ilə müqaviləni yeniləyəcək
• Zirkzee “Mançester Yunayted”dən ayrılır
• “Fənərbaxça” – “Aston Villa” matçının hakimi müəyyənləşdi