“Oyunu çox yaxşı keçirdik. Bütün 90 dəqiqə ərzində rəqibi üstələdik”. Apasport.az saytı xəbər verir ki, bu sözləri Xorvatiya yığmasının kapitanı Luka Modriç deyib.

DÇ-2018-in pley-off mərhələsinin ilk oyunları çərçivəsində Yunanıstanı qəbul edən xorvatlar 4:1 hesablı qələbə qazanıblar.

Matçdan sonra ölkəsinin mətbuatına açıqlama verən Modriç oyundan əvvəl bu nəticəni gözləmədiklərini etiraf edib: “Nəticədən məmnunuq. Açığı, bu hesabı gözləmirdik. Amma qapımızdan qol buraxmamalıydıq. İstənilən halda, 4:1 hesablı qalibiyyətdən narazı olmaq mümkün deyil. Düşündüyümüzdən də yaxşı qələbə qazandıq. İndi cavab matçını fikirləşməliyik. Eyforiyaya qapılmaq lazım deyil”.

Qeyd edək ki, bu komandalar arasındakı cavab görüşü isə noyabrın 12-də keçiriləcək.

• Türkiyə Kubokunda ilk finalçı bəlli olur: "Konyaspor", yoxsa "Qalatasaray"? - YENİLƏNİR
• "Arsenal" "Sportinq"lə danışıqlara başlayıb: Qyökereş addım-addım Premyer Liqaya
• A Seriyasında təxirə salınan matçların keçiriləcəyi vaxt açıqlanıb
• "Yunayted"dən transfer bombası: Braziliyalı ulduz Mançester yolunda
• "Qalatasaray" Torreyra ilə yeni müqavilə imzalayıb