Çempionlar Liqasının II təsnifat mərhələsinin sabah keçiriləcək “Samtredia” ilə ilk oyunu “Qarabağ”ın futbolçusu Qara Qarayev üçün əlamətdar olacaq. Apasport.az saytının məlumatına görə, 25 yaşlı yarımmüdafiəçi meydana çıxsa, avrokuboklarda 50-ci matçını keçirəcək.

100-ü yarılamağın astanasında olan Qara indiyədək 49 dəfə qitə miqyaslı klub turnirlərində iştirak edib. O, bütün matçları eyni komandada – “Qarabağ”da oynayıb. Hələ qol hesabını açmayan futbolçu Çempionlar Liqasında 12, Avropa Liqasında 37 görüşə çıxıb. O, keçirdiyi qarşılaşmalarda ümumilikdə 9 sarı vərəqə ilə cəzalanıb.

Qarayevin avrokubok debütü 2010-cu ilə təsadüf edib. Avropa Liqasının 2010/11 mövsümünün “Metallurq”la görüşü 18 yaşlı yarımmüdafiəçi üçün ilk olub. İyulun 8-də Makedoniya təmsilçisi ilə Skopyedəki oyunda qalib müəyyənləşməmişdi – 1:1.

Qeyd edək ki, Qarayevi gözləyən yubiley oyunu Tofiq Bəhramov adına Respublika stadionunda keçiriləcək.

Qara Qarayev avrokuboklarda

• “Bu, “Bolonya”nın DNT-sində yoxdur”
• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi