Topaz Premyer Liqasında 2015/16 mövsümünün mükafatçı baş məşqçilərinin tam siyahısı müəyyənləşib. Apasport.az saytının məlumatına görə, “Qarabağ”ı ardıcıl 3-cü çempionluğa daşıyan Qurban Qurbanov və “Zirə”ylə ilk gümüş medalı əldə edən Adil Şükürovun ardından Roman Qriqorçuk “Qəbələ”nin baş məşqçisi kimi bürünc mükafat qazanıb.

Sonuncu Azərbaycan çempionatlarında 2-ci dəfə medalçılar sırasına düşüb. Ötən mövsümdə də eyni əyarlı mükafata yiyələn ukraynalı ölkəmizdə 1-dən çox medal qazanan 3-cü əcnəbi mütəxəssis olub. Qriqorçukadək gürcüstanlı Kaxaber Sxadadze 5, digər ukraynalı Valentin Xodukin 2 dəfə komandası ilə “üçlüy”ə düşüb.

Adil Şükürov isə Premyer Liqada 33-cü mükafatçı baş məşqçi olub. Onadək 32 çalışdırıcı bunu bacarmışdı ki, bunlardan 10-u əcnəbi, 23-ü yerli mütəxəssisdi.

Ardıcıl 3 dəfə çempionluq yaşayan ilk məşqçi kimi tarixə düşən Qurbanov idə medal sayında Azərbaycan rekordunu təkrarlayıb. Baş məşqçi kimi 3 qızıl, 2 gümüş və 2 bürüncü olan mütəxəssis ümumi medal sayında Ağasəlim Mircavadova çatıb. Sonuncunun da hesabında 7 mükafat var. Bunlardan 5-i qızıl, 1-i gümüş, 1-i bürüncdü.

Azərbaycan çempionatlarında mükafatçı baş məşqçilər

• “Bu, “Bolonya”nın DNT-sində yoxdur”
• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi