“İnter”in futbolçusu Rauf Əliyev Premyer Liqanın cari mövsümündə 2 və daha çox dubl müəllifi olan ilk futbolçu adına yiyələnib. Apasport.az saytının məlumatına görə, XXVII turun “Qəbələ” ilə görüşündə (3:3) 2 qol vuran hücumçu cari mövsümdə ikinci dəfə belə uğura sevinib.
Bu oyunadək 16 futbolçu dubla imza atsa da, onlardan heç biri iki dəfə fərqlənməmişdi. V turun “Neftçi” ilə qarşılaşmasında (2:1) vurduğu qollarla “İnter”ə qələbə qazandıran Əliyev 218 gündən sonra eyni məhsuldarlıq nümayiş etdirib.
Ötən il sentyabrın 18-də ilk, indi ikinci dubluna imza atan Rauf mövsümdəki qol sayında da 1-ci yerə şərik çıxıb. 11-ci qolunu vuran Əliyev çempionatın bombardiri Filip Ozobiçə çatsa da, “Qəbələ”nin xorvatiyalı yarımmüdafiəçisindən daha az oyun keçirib. Filip 27, Rauf 25 matçda 11 qol vurmağı bacarıb ki, bu da “İnter”liyə əlavə üstünlük verir. Həm də Ozobiçdən fərqli, Rauf bütün qollarını oyundan, legioner isə 2-sini penaltidən vurub.
Oxşar xəbərlər
Ana səhifə
Bütün xəbərlər
Hesabım