Madrid “Real”ının futbolçusu Kriştianu Ronaldo xeyirxah addım atıb. Apasport.az saytının məlumatına görə, 3 gün öncə Avropa çempionu adını qazanan Portuqaliya yığmasının kapitanı xərçəng xəstəliyindən əziyyət çəkən insanlara yardım edib.

Belə ki, Ronaldo AÇ-2016-dakı çempionluğa görə ona verilən 275 min avronu özünə götürməyib. O, həmin məbləği müalicə olunan “xərçəng” xəstələrinə bağışlayıb.

Ronaldonun bu hərəkəti dünya mediası tərəfindən yüksək qiymətləndirilib.

Qeyd edək ki, AÇ-2016-nın Fransa ilə keçirilən final matçında Ronaldo zədələnərək, 25-ci dəqiqədə meydandan çıxmaq məcburiyyətində qalmışdı. Onun yoxluğunda portuqallar Ederin qolu sayəsində 1:0 hesablı qələbə qazanmışdılar.

• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA
• Ronaldo millidən uzaqlaşdırılıb
• “Arsenal”da ciddi itki