“İnter”in futbolçusu Denis Silva Azərbaycan klublarının heyətində 3-cü avrokubok qoluna imza atıb. Apasport.az saytının məlumatına görə, braziliyalı müdafiəçi 3-cü qolunu Avropa Liqasının I təsnifat mərhələsinin “Mladost”la ev oyununda vurub.

Serbiya klubu ilə hazırda davam edən görüşdə hesabı açan cənubi amerikalı bunadək 2 dəfə fərqlənmişdi. O, qollarını “Neftçi”də oynadığı vaxt vurmuşdu.

Maraqlıdı ki, 2014-cü il avqustun 21-də dubl müəllifi olan Denis digər Serbiya klubuna qənim olmuşdu. Amma 1050 gün öncə “Partizan”la səfər görüşündəki 2 top onun komandasına yetərli olmamışdı – 2:3.

3 ildən sonra yenə serbiyalılara qol vuran müdafiəçi avrokuboklarda 3 və daha çox fərqlənən 32-ci oyunçumuzdu.

• “Bu, “Bolonya”nın DNT-sində yoxdur”
• Günün oyunları bu kanallarda - TV AFİŞA
• Ançelotti Braziliya millisində antirekorda imza atıb
• 19 yaşlı müdafiəçi daha 4 il “Barselona”da - RƏSMİ
• “Barselona” gənc müdafiəçisi ilə bağlı qərar verdi