İspaniyalı baş məşqçi Tino Peres Azərbaycan millisini dünya və Avropa çempionatlarının 13 oyununa çıxarıb. Apasport.az saytının məlumatına görə, 2014-cü ilin oktyabrında bu vəzifəyə təyin olunan və bu gün postundan ayrılmağa qərar verən mütəxəssis AVRO-2016 və DÇ-2016-da komandamıza rəhbərlik edib.
O, hər iki turnirin seçmə və pley-off mərhələləri, həmçinin qitə çempionatının final raundunda yığmamızın “sükanı arxası”nda olub. Millimiz Peresin rəhbərliyi altında 7 qələbə qazanıb, 3 heç-heçə edib və eyni sayda məğlubiyyət yaşayıb. İspaniyalı çalışdırıcını 56 qolla sevindirən futzalçılarımız 35 topa üzülüb.
Mütəxəssis komandamızı Avropa çempionatında 1/4 finala daşıyıb. Qitənin ən yaxşı 8 komandası siyahısına düşən yığmamız həm də DÇ-2016-ya vəsiqə əldə edib. Tarixində ilk dəfə buna nail olan milli planetin 24 ən yaxşısı arasında qüvvəsini sınayacaq. Bundan başqa, yığmamız dünya reytinqində 10-cü yerə də Peresin dövründə yüksəlib.
Azərbaycan millisi Tino Peresin rəhbərliyi altında rəsmi oyunlarda
|
AVRO-2016, seçmə mərhələ |
3 |
2 |
0 |
1 |
16-6 |
6 |
|
AVRO-2016, pley-off |
2 |
1 |
1 |
0 |
4-2 |
4 |
|
AVRO-2016, final mərhələsi |
3 |
1 |
0 |
2 |
8-14 |
3 |
|
DÇ-2016, seçmə mərhələ |
3 |
2 |
1 |
0 |
19-8 |
7 |
|
DÇ-2016, pley-off |
2 |
1 |
1 |
0 |
9-5 |
4 |
|
Cəmi |
13 |
7 |
3 |
3 |
56-35 |
24 |
Oxşar xəbərlər
Ana səhifə
Bütün xəbərlər
Hesabım