FİFA milli komandaların növbəti reytinq siyahısını aprelin 7-də açıqlayacaq. Apasport.az saytının məlumatına görə, həmin vaxtadək yığmaların iştirakı ilə 170 qarşılaşma keçiriləcək.
Həmin görüşlərdə ehtimal olunan nəticələri müəyyənləşdirən ekspertlər artıq indidən təxmini reytinq siyahısını tərtib ediblər. Mütəxəssislər martın 26-da Qazaxıstanla yoxlama oyunu keçirəcək Azərbaycan millisinin oyununa da proqnoz verib. Bu görüşdən heç-heçə gözlənilir ki, bunun da nəticəsində hesabında 300 xal olan komandamız aktivini 278-ə qədər azaldacaq.
Proqnozlarla qurulan cədvəldə 124-cü pilləyə yuvarlanan Robert Prosineçkinin yetirmələri 112-ci yerdən 12 addım geriləyib. Düzdü, komandamız qalib gəlib, bu ehtimalları alt-üst edə bilər. Əks halda, gözlənilən gerçəkləşəcək.
Belə olsa, Küveyt, Kuba, Zimbabve, Suriya, Tailand, Tanzaniya, Burundi, Beliz, Gürcüstan, Ermənistan, Madaqaskar, Sent-Kitts və Nevis yığmaları da millimizi arxada qoyacaq.
Siyahıdakı ən böyük dəyişiklik isə liderlə bağlı olacaq. Çünki Argentinanın Belçikanı zirvədən salıb, 1-ci yerə qalxması gözlənilir. Avropalıların mövqeyini qorumaq şansları isə 1,47 faizlə ölçülür.
Bundan başqa, Çili 3-cü pilləni ələ keçirərək İspaniyanı bu mövqedən sıxışdırıb. Ehtimallar Türkiyə millisinə irəliləyiş vəd edir. “Ay-ulduzlular”ın 20-ci yerdən 16-cı pilləyədək yüksələcəyi gözlənilir.
Oxşar xəbərlər
Ana səhifə
Bütün xəbərlər