“Zirə”nin serbiyalı futbolçusu Yovan Krnetanın durumuna aydınlıq gəlib. Apasport.az saytının məlumatına görə, 24 yaşlı müdafiəçi Topaz Premyer Liqasının XXIII turu çərçivəsində “Neftçi” ilə keçiriləcək oyunda komandasına kömək edə bilməyəcək.

Hazırda zədədən əziyyət çəkən Krneta gələn həftədən kollektivlə birgə məşqlərə qatılacaq. Baş məşqçi Adil Şükürovun daim əsas heyətdə şans verdiyi futbolçu ölkə çempionatının XXIV turuna yetişəcək. Krneta “Qarabağ”la həmin turda keçiriləcək görüşdə meydana çıxa biləcək.

“Zirə”nin digər zədəliləri – Elvin Məmmədov və Dieqo Souza da “Neftçi” ilə oyunu buraxacaqlar. Məmmədovla müqayisədə, Souzanın durumu normal olsa da, bu onun “ağ-qaralar”a qarşı oynaması üçün yetərli deyil.

Qeyd edək ki, fevralın 27-də keçiriləcək “Zirə” – “Neftçi” qarşılaşması saat 15:00-da start götürəcək.  

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”