Araz Abdullayev kapitanı olduğu “Neftçi”nin heyətində 200-cü oyununu keçirib. Apasport.az-ın PFL-in rəsmi saytına istinadən məlumatına görə, yarımmüdafiəçinin yubileyi Topaz Premyer Liqasının XXXV turunun “İnter”lə ev oyununa təsadüf edib.

Bunadək “ağ-qaralar”ın heyətində bütün turnirlərdə ümumilikdə 199 matç keçirən Abdullayev komandasının 4:2 hesablı əzmkar qələbə qazanmasına 1 qolla da töhfə verib. Bu, onun 200-cü matçda 31-ci qolu olub.

Araz ardıcıl 2-ci tur “Neftçi”də yubiley qeyd edir. XXXIV turun “Kəpəz”lə səfər matçında Premyer Liqada 150-ci oyununa çıxan yarımmüdafiəçi 200 matçın artıq 151-ni çempionatda keçirib. O, ölkə kubokunda 27, Superkubokda 1, avrokuboklarda 21 dəfə ağ-qara forma geyinib.

Qeyd edək ki, Araz Abdullayev 2008/09 mövsümündə debüt etdiyi “Neftçi”nin indiki heyətində komandada ən çox oyun keçirən futbolçudu.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi