“Çelsi”nin sahibi Roman Abramoviç yayda klubun transfer bazarında fəallıq göstərməsini istəyir. Apasport.az saytı xarici mətbuata istinadən xəbər verir ki, rusiyalı biznesmen bunun üçün 130 milyon funt-sterlinq ayıracaq.

Bu məbləğ 4 futbolçunun transferi üçün nəzərdə tutulub. Onların sırasında “Bavariya”nın yarımmüdafiəçisi Arturo Vidal və “Everton”un müdafiəçisi Con Stounz da var. “Zadəganlar”ın diqqət mərkəzindəki digər 2 futbolçunun adı isə açıqlanmır.

Bununla yanaşı, Abramoviç komandanın baş məşqçisi postuna İtaliya yığmasının çalışdırıcısı Antonio Konteni gətirmək arzusundadı.

Qeyd edək ki, Qus Hiddinkin başçılıq etdiyi “Çelsi” hazırda İngiltərə çempionatında 12-ci pillədə qərarlaşıb. 

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”