İtaliya Futbol Federasiyası İntizam Komitəsi “Napoli”nin şikayətinə baxıb. Apasport.az saytının “Football İtalia”ya istinadən məlumatına görə, neapollular argentinalı futbolçu Qonzalo İquaynın cəzasına etiraz edib.

Belə ki, İtaliya A seriyasının 31-ci turunda “Udineze” ilə oyundakı hərəkətlərinə görə hücumçuya 4 oyunluq cəza verilmişdi. Klubun şikayətinə baxan intizam komitəsi, cəzanın bir oyun yüngülləşdirilməsinə qərar verib.

Artıq “Verona” ilə oyunu buraxmış cənubi amerikalı bundan sonra daha 2 oyunda  - “İnter” və “Bolonya” qarşılaşmalarında meydana həsrət qalacaq. Onun dönüşü çempionatın 35-ci turuna, “Roma” ilə görüşə təsadüf edəcək.

Qeyd edək ki, meydana çıxdığı 31 oyunda 30 qol vuran İquayn hazırda A seriyasında bombardirlər yarışında şəriksiz liderlik edir.

• Ronaldo qərarını açıqladı – Portuqaliya millisi ilə bağlı
• TFF növbədənkənar seçkiyə gedir – Kritik iclas
• Patris Evranın anası vəfat etdi: “Sən həmişə qəlbimdə olacaqsan”
• “Qarabağ”da Sefasla bağlı son durum – MRT-nin nəticəsi bəlli oldu
• Montellanın taleyi müzakirə olunur – TFF-nin bazasına gəldi