19 yaşadək qızlar arasında keçirilən Avropa çempionatının seçmə mərhələsində VIII qrupda oyunlara yekun vurulub Apasport.az saytının məlumatına görə, Azərbaycan millisi də son matçına çıxıb.

Komandamız axırıncı görüşündə latviyalı həmyaşıdları ilə üz-üzə gəlib. İlk yarıda 3 qol vuran millimiz matçın taleyini fasiləyədək həll edib.

Sonda 4:0 hesabı ilə qalib gələn yığmamız seçmə mərhələni 3-cü pillədə başa vurub. Mübarizəni dayandıran yığmamızın qrupunun qalibi isə İspaniya olub.

Qeyd edək ki, millimiz Ukraynaya 1:2, İspaniyaya 0:7 hesabı ilə uduzmuşdu.

19 yaşadək qızlar arasında Avropa çempionatının seçmə mərhələsi

VIII qrup, III tur

20 sentyabr

Azərbaycan – Latviya – 4:0

Qollar: Merve Özdəmir, 15, 50, Malə Mollayeva, 27, Gültac Məmmədəliyeva, 44

Hakimlər: Kriso Georgiou, Niki Karagiorgi (hər ikisi Kipr), Kristina Bujor, Aleksandra Teodora Apostu (hər ikisi Rumıniya)

UEFA nümayəndəsi: Olesya Berdea (Moldova)

Hakim-inspektor: Olesya Berdea (Moldova)

Bakı Olimpiya Stadionu

Ukrayna – İspaniya – 0:5

Hakimlər: Qratsiella Pirriatore, Tiziana Trasçiatti (hər ikisi İtaliya), Gülyana Güvəndiyeva, Yuliya Larionova (hər ikisi Azərbaycan)

UEFA nümayəndəsi: Con Ferri  (Şimali İrlandiya)

Hakim-inspektor: Con Ferri (Şimali İrlandiya)

Bakı Olimpiya Stadionu (ehtiyat meydança)