Futzal üzrə Avropa çempionatının final mərhələsində 1/4 final mərhələsinə start verilib. Apasport.az saytının məlumatına görə, mərhələnin ilk günündə 2 qarşılaşma baş tutub.

Yarımfinala ilk vəsiqəni AVRO-2016-nın meydan sahibi Serbiya qazanıb. Balkanlılar Ukraynanı 2:1 hesabı ilə məğlub edib.

Yarışa mükafat iddiası ilə gələn Pireney komandalarının dueli daha maraqla gözlənilsə də, İspaniya Portuqaliyanı asanlıqla məğlub edib. 6 qat Avropa çempionu rəqibini 6:2 hesabı ilə keçib.

Qeyd edək ki, 1/4 final mərhələsinin son iki matçı bu gün baş tutacaq. Azərbaycan Rusiya, Qazaxıstan İtaliya ilə qarşılaşacaq. Yığmamız mərhələ adlasa, Serbiya ilə görüşəcək.

Avropa çempionatının final mərhələsi

1/4 final

8 fevral

Serbiya – Ukrayna – 2:1

Portuqaliya – İspaniya – 2:6

• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO