İtaliya Futbol Federasiyasının İntizam Komitəsi “İnter”in şikayətinə baxıb. Apasport.az saytının məlumatına görə, “neradzurra” A seriyasının 23-cü turu çərçivəsində baş tutmuş “Yuventus”la oyunda (0:1) birbaşa qırmızı vərəqə almış İvan Perişiçin və hakimə sərt etiraz edən Mauro İkardinin 2 oyunluq cəzasının aşağı salınmasını tələb etmişdi.

İntizam Komitəsi “İnter”in müraciətinə baxıb. Komitə Perişiçin cəzasının 2 oyundan 1 oyuna endirsə də, İkardinin cəzasını olduğu kimi saxlayıb.

Bu da o deməkdi ki, kapitan İtaliya A seriyasının “Empoli” və “Bolonya” ilə oyunlarında “İnter”ə kömək edə bilməyəcək. Perişiç isə yalnız “Empoli” ilə oyunu buraxacaq.

Qeyd edək ki, hazırda hesabında 42 xal olan “İnter” 5-ci pillədə qərarlaşıb.

• “Bavariya” - “Arsenal” matçı bu kanalda - TV AFİŞA
• Flikdən PSJ etirafı: “Bizdən daha güclüdürlər”
• Entoni Teylor Türkiyədə MHK-nın yeni sədri oldu
• Sergen Yalçın rəsmən Türkiyə millisində
• Leao İstanbul derbisini buraxacaq