Yığma komandamızın qapıçısı Emil Balayevin formasını geyindiyi “Ayntraxt” klubu transfer çalışmalarını davam etdirir. Apasport.az-ın klubun rəsmi saytına istinadən məlumatına görə, Bundesliqa təmsilçisi daha bir futbolçunu heyətinə cəlb edib.

Frankfurtlular “Voyvodina”nın yarımmüdafiəçisi Miyat Qaçinoviçlə anlaşıblar. 20 yaşlı futbolçu yeni komandası ilə 4 illik müqaviləyə qol çəkib. Serbiyanın gənclər yığmasının üzvü “Ayntraxt”da 11 nömrəli formanı geyinəcək.

Qeyd edək ki, Almaniya Bundesliqasında 2015/16 mövsümü bu həftə sonu start götürəcək. “Ayntraxt” ilk matçını avqustun 16-da səfərdə “Volfsburq”a qarşı keçirəcək.

• Konte gələcəyi ilə bağlı iddialara aydınlıq gətirdi
• Oliver Kan: “Harri Keyn "Qızıl top"a layiqdir”
• “Roma”nın kapitanı sıradan çıxdı - 2 ay oynamayacaq
• Müflis olan klub 250 min avroya tarixi adını və loqosunu geri aldı
• Pepe Kloppu “Barselona” azarkeşinə çevirib – MARAQLI ETİRAF