Topaz Premyer Liqasında 2015/16 mövsümünün bombardirlər siyahısı açıqlanıb. Apasport.az saytının məlumatına görə, 7 və daha çox qol vuranların cədvəlində 12 futbolçu yer alıb.
“Qarabağ”ın ispaniyalı legioneri Dani Kintananın 15 qolla başçılıq etdiyi siyahının ilk “üçlüy”ündə yalnız legionerlər qərarlaşıb. Salvadorlu Nelson Bonilla (“Zirə”) 14 qolla 2-ci, milliləşən rusiyalı Ruslan Qurbanov (“Neftçi”) 13 qolla 3-cü olub.
Ən məhsuldar yerli futbolçu Amil Yunanovdu. “Sumqayıt”ın bombardiri 12 dəfə fərqlənib.
7 və daha çox qol vuranların siyahısında “Qarabağ”ın 4, “Qəbələ”nin 3 futbolçusu yer alıb. Digər 5 klub isə 1 qolçu ilə təmsil olunub. “İnter”, “Xəzər Lənkəran” və “Rəvan”ın ən yaxşı bombardirləri isə daha az qol vurub.
Ən azı 7 qol vuranlar
1. Dani Kintana (“Qarabağ”) - 15
2. Nelson Bonilla (“Zirə”) – 14
3. Ruslan Qurbanov (“Neftçi”) – 13
4. Amil Yunanov (“Sumqayıt”) – 12
5. Aleksey Qay (“Qəbələ”) – 10
6-7. Riçard Almeyda (“Qarabağ”) – 9
Jülien Ebah (“Kəpəz”) - 9
8-12. Mahir Mədətov (“Qarabağ”) – 7
Samuel Armenteros (“Qarabağ”) – 7
Nuqzar Kvirtiya (AZAL) – 7
Ermin Zets (“Qəbələ”) – 7
Aleksey Antonov (“Qəbələ”) - 7
Oxşar xəbərlər
Ana səhifə
Bütün xəbərlər