“Kəpəz”in zədəli futbolçusu Junior Osvaldonun durumuna aydınlıq gəlib. Apasport.az saytının məlumatına görə, zədəli olan və bu səbəbdən sonuncu turda “Sumqayıt”a qarşı matçı buraxmaq məcburiyyətində qalan braziliyalı Maqnit Rezonans Tomoqrafiyasından (MRT) keçib.

Yarımmüdafiəçi sağ baldırın arxa əzələsinin dartılmasından əziyyət çəkir. MRT müayinəsindən sonra klubun tibb personalı tərəfindən müalicəyə başlanılıb. Osvaldo müalicə ilə bağlı komandanın bugünkü məşqini buraxacaq. Sabahdan isə fərdi qaydada məşqlərə başlaya biləcək.  

Juniorun həftəsonu “Rəvan”la keçiriləcək oyuna kimi hazır olub-olmayacağına isə qarşıdakı günlərdə aydınlıq gələcək. 

Mənbə: kapazpfc.az

• Rafinya bütün rəqiblərini geridə qoydu
• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı