İspaniya mətbuatı “Mançester Yunayted”i gələn mövsüm çalışdıracaq məşqçinin adını açıqlayıb. Apasport.az saytının yerli KİV-ə istinadən məlumatına görə, həmkarlarımız “qırmızı şeytanlar”ın Joze Mourinyo ilə anlaşdığını yazıblar.

Məlumatda vurğulanıb ki, portuqaliyalı mütəxəssisin meneceri Jorje Mendeş “mankunianlar”ın rəhbərliyi ilə danışığı artıq yekunlaşdırıb. Tərəflər arasında razılığa əsasən, Mourinyo ada təmsilçisi ilə 3 illik müqaviləyə qol çəkəcək. Onun yeni komandasında illik məvacibi isə 20 milyon avro təşkil edəcək. Hətta Mourinyonun indidən rəhbərliyə təqdim etmək üçün transfer siyahısı hazırladığı da deyilir.

Qeyd edək ki, Joze Mourinyo son klubu olan “Çelsi”dən cari mövsümün gedişində ayrılıb.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”