Klaudio Ranyeri Çempionlar Liqasının qrup mərhələsində 6 və daha çox komanda ilə çıxış etmiş baş məşqçilərin sırasına qoşulub. Apasport.az saytının məlumatına görə, o, bu nəticəyə imza atmış 3-cü çalışdrıcıdır.

Daha əvvəl “Valensiya”, “Çelsi”, “Yuventus”, “Roma” və “İnter”lə bu şərəfə nail olmuş italiyalı bu dəfə isə “Lester”lə qitənin ən nüfuzlu klub turnirində boy göstərir.

Bəhs edilən nəticəyə görə, ispan Rafael Benitezə çatan Ranyeri yalnız həmyerlisi Karlo Ançelottidən geri qalır. Don Karlo isə “Bavariya” ilə birlikdə mütləq rekorda imza ataraq ÇL-də 7 komanda ilə iştirak etmiş olub.