"Yuventus"un müdafiəçisi Mattia de Şiliyo qarşıdakı "transfer pəncərəsi"ndə klubu tərk edə bilər. 

Apasport.az xəbər verir ki, klub gələn yay müqavilə müddəti bitən oyunçu ilə yollarını ayırmaq qərarına gəlib.

İtaliyalı futbolçunun çarpaz bağ zədəsindən sonra əvvəki formasına qayıda bilməməsi klubda məyusluq yaradıb. O, cari mövsümdə yalnız 1 dəfə - ötən həftə "Latsio" (0:1) ilə qarşılaşmada forma geyinib. 

Qeyd edək ki , Mattia 2017-ci ildə "Yuventus"a qoşulduqdan sonra ümumilikdə 117 oyuna çıxıb.