19 Fevral 12:28 Azərbaycan çempionatında ilk uqandalı
FUTBOL xəbərləri 19 Fevral 12:28
412 baxış

Azərbaycan çempionatında ilk uqandalı

Azərbaycan Premyer Liqasının XVI turu daha bir ölkənin Azərbaycan çempionatında ilk təmsilçisinin debütü ilə əlamətdar olub. Apasport.az saytı xəbər verir ki, “Səbail”in futbolçusu Faruk Miya ölkə birincilikləri tarixinə ilk uqandalı kimi düşüb.

 

“Qarabağ”la (0:1) oyunun gedişində sonradan meydana daxil olan 21 yaşlı yarımmüdafiəçiyədək bu ölkənin heç bir təmsilçisi Premyer Liqada çıxış etməmişdi. Uqanda çempionatımızda təmsil olunan 82-ci ölkədi. Ötən tur bu siyahıya daha iki ölkə Trinidad və Tobaqo ilə Qambiya əlavə olunmuşdu.

 

Qeyd edək ki, Uqanda Afrikanın çempionatımızda oyunçu ilə təmsil olunan 22-ci ölkəsidi.

Xəbər lenti