15 Oktyabr 00:01 “Bəsit səhvlərə yol verdik” – Alesio da Silva
FUTBOL xəbərləri 15 Oktyabr 00:01
4568 baxış

“Bəsit səhvlərə yol verdik” – Alesio da Silva

Futzal üzrə UEFA kubokunun əsas mərhələsində son oyununu keçirən “Araz” Rumıniya çempionu “Deva” ilə qarşılaşıb və 3:6 hesabı ilə məğlub olub. Apasport.az saytının məlumatına görə, mübarizəni dayandıran təmsilçimizin baş məşqçisi Alesio da Silva oyunla bağlı AFF-nın rəsmi facebook səhifəsinə açıqlama verib.

 

O, bəsit səhvlərə yol verdiklərini qeyd edib: “Pis oynadığımızı deyə bilmərəm. Əksinə, komandam rəqibdan üstün oyun nümayiş etdirdi. Təəssüf ki, yenə bəsit səhvlərə yol verdik və asan qollar buraxdıq. Əvəzində özümüz yaratdığımız epizodları sağa-sola xərclədik. Halbuki onları qola çevirmək lazımdı ki, sonra qələbəni biz bayram edək. Həm də rəqibin heyətində təcrübəli futzalçılar yer alıb və onlar uzun müddətdir bir komandada çıxış edirlər. Meydanda anlaşma baxımından “Deva”nın üzvləri yaxşı mənada seçilirdilər”.

Xəbər lenti