“Səbail” heyətini gücləndirməyə davam edir. Apasport.az saytının məlumatına görə, I divizion təmsilçisi bu gün daha iki transferə imza atıb.

Belə ki, paytaxt təmsilçisi Samir Əhmədovu və Eltun Yaqublunu rənglərinə bağlayıb.

Sonuncu klubu “Qaradağ Lökbatan” olan 22 yaşlı Əhmədovla bir illik anlaşma əldə olunub.

24 yaşlı Eltun isə “Neftçi”dən icarəyə götürülüb. O, mövsümün sonuna kimi komandanın şərəfini qoruyacaq.

Qeyd edək ki, “Səbail” Eltun və Samirdən əvvəl Mirzağa Hüseynpur, Ruslan Tağızadə, Orxan Qurbanlı və Aslan Hüseynovu da heyətinə qatmışdı.