25 May 17:32 “Qəbələ” mükafatlarını aldı
FUTBOL xəbərləri 25 May 17:32
528 baxış

“Qəbələ” mükafatlarını aldı

AFFA-nın təşkil etdiyi U-17 və U-16 liqalarına yekun vurulub. Apasport.az saytının məlumatına görə, hər iki yarışda 2017/18-ci il mövsümünün qalibi “Qəbələ” komandası olub.

 

U-17 Liqasında mövsümün son turunun oyunundan sonra Qəbələ şəhər stadionunda liqanın qalibinə qızıl medal və kubok təqdim edilib. “Səbail” gümüş, “Neftçi” bürünc medallara sahib çıxıb.

 

Gümüş və bürünc medalların sahiblərinə mükafatlar AFFA-nın inzibati binasında təşkil olunan tədbirdə təqdim edilib.

 

Liqanın ən yaxşı qapıçısı adına “Qəbələ” komandasından Elməddin Sultanov layiq görülüb. Mövsümün ən yaxşı oyunçusu “Səbail”dən Xəlil Bəşirov, ən məhsuldar oyunçu isə 33 qolla “Sumqayıt”ın üzvü İbrahim Novruzov olub.

 

U-16 Liqasının da son turun oyunundan sonra Qəbələ şəhər stadionunda liqanın qalib olan “Qəbələ”nin müvafiq yaş qruplarından ibarət komandasına qızıl medal və kubok təqdim edilib. “Vətən” gümüş, “Neftçi” bürünc medallara sahib çıxıb. Gümüş və bürünc medalların sahiblərinə mükafatlar AFFA-nın inzibati binasında təşkil olunan tədbirdə təqdim edilib.

 

Liqanın ən yaxşı futbolçusu Veysəl Rzayev (“Qəbələ”) seçilib, bombardir isə 27 qolla Emil Quluzadə “Vətən” komandasının üzvü olub. Ən yaxşı qapıçı adına “Qəbələ” komandasının üzvü Vüsal Şabanov layiq görülüb.

 

Komandanın üzvlərinə mükafatları AFFA-nın baş katibinin müavini Sərxan Hacıyev və futbol veteranı Rüstəm Rəhimov təqdim ediblər.

 

Mənbə: affa.az

Xəbər lenti