Bakı. Kənan Həsənov-APA-Sport. Azərbaycanın idman gimnastları Belarus və Rusiyaya təlim-məşq toplanışına yollanıblar. Bu haqda “APA-Sport” agentliyinə Gimnastika Federasiyasının mətbuat katibi Şahin Kazımzadə məlumat verib. Onun sözlərinə görə, mayda başlayacaq Avropa çempionatında iştirakı planlaşdırılan Şakir Şıxəliyev Minskdə hazırlıq keçəcək. Fərid Ağazadə, Murad Tatlıyev və Mirvaqif Bağırov isə Sankt-Peterburqda təlim-məşq prosesində olacaqlar. Bu arada Bakıda Balakən gimnastlarının iştirakı ilə yadda qalan Azərbaycan çempionatının mükafatçıları müəyyənləşib. Gənclər arasında Mehdi Musayevlə Günay Məmmədli, idman ustaları arasında isə Elvin Ağadədəyev birinci yeri tutub.