Türkiyə Superliqasında XVII tura yekun vurulub. Apasport.az saytının məlumatına görə, 4 gün davam edən turun son matçı “Gənclərbirliyi” və “Beşiktaş” arasında olub.

Bu görüşün taleyi ikinci yarıda həll olunub. İki qol vuran “Beşiktaş” ikinci pilləni qaytarıb.

Turun əvvəlki günlərində isə 8 görüş baş tutmuşdu. “Konyaspor” “Bursaspor”u qəbul edib. Qonaqlar 2:3 hesabı ilə qalib gəlib.

Evdə “Sivasspor”u sınağa çəkən “Trabzonspor” da qələbəyə sevinib – 3:1.

Turun ikinci günündə lider “Fənərbaxça” səfərdə “Kasımpaşa”nın qonağı olub. “Sarı bülbüllər” 3 xalı 3 cavabsız qolla əldə edib - 0:3. “Akhisar” - “Əskişəhərspor” matçında isə qalib müəyyənləşməyib - 2:2.

Ölkə kububokunun qrup mərhələsinin IV turunda evdə “Diyarbəkir BB”yə uduzan (0:2) “Qalatasaray” son pillələrdə qərarlaşan “Rizəspor”u sınağa çəkib. “Cim-Bom” rəqibini bu dəfə 2:0 hesabı ilə məğlub edib.

Türkiyə Superliqası

XVII tur

23 yanvar

“Konyaspor” – “Bursaspor” - 2:3

Qollar: Kamdali, 45+3, Torje, 50 - Volkan Şən, 14, Civelli, 44, Fernando, 90+2

“Trabzonspor” – “Sivasspor” - 3:1

Qollar: Kardosa, 20-pen; 84, Ekici, 65 - Taouil, 45

24 yanvar

“Başakşəhər” – “Mersin İdmanyurdu” - 2:2

Qollar: Viska, 47, Perbet, 88 – Sinan, 5, Taş, 76

“Qaziantepspor” – “Balıkəsirspor” - 1:0

Qol: Vitor, 90+6

“Akhisar” – “Əskişəhərspor” - 2:2

Qollar: Kısa, 50, Mezenqa, 77 - Coşkun, 44, Bayramoğlu, 58

“Kasımpaşa” – “Fənərbaxça” - 0:3

Qollar: Kuyt, 15; 69, Erkin, 90+4

25 yanvar

“Karabükspor” – “Ərciyəsspor” - 1:2

Qollar: Kas, 68 – Drente, 70, Edinyo, 83

“Qalatasaray” – “Rizəspor” - 2:0

Qollar: Sneyder, 7, Bruma, 43

26 yanvar

“Gənclərbirliyi” – “Beşiktaş” – 0:2

Qollar: Demba Ba, 69, Olcay, 77