İspaniya La Liqasında XXI tura yekun vurulub. Apasport.az saytının məlumatına görə, son qarşılaşmada “Malaqa” ilə “Valensiya” üz-üzə gəlib.

Bu qarşılaşmanın taleyini 1 qol həll edib. Meydan sahiblərinin qələbəsi “yarasalar”ın 4-cü pilləni itirməsi ilə nəticələnib.

Bu oyunadək liderlər qrupunda qərarlaşan bütün komandalar qalib gəlmişdi. Turun  açılış matçında “Rayo Valyekano” evdə “Deportivo”nu sınağa çəkib. Görüşdə La-Korunya təmsilçisi 1:2 hesabı ilə qalib gəlib.

“Real” doğma azarkeşləri önündə “Real Sosyedad”ı qəbul edib. Karlo Ançelottinin yetirmələri rəqibinə divan tutub – 4:1. Madridin digər klubu “Atletiko” səfərdə “Eybar”ın qonağı olub. “Land of fire Azerbaijan” formalı komanda 1:3 hesabı ilə rəqibini məğlub edib.

Millimizin heyətində çıxış etməyə razılıq verən Eddi İsrafilovun komandası “Qranada” evdə “Elçe” ilə üz-üzə gəlib. Meydan sahibləri minimal hesablı qələbəyə sevinib.

İspaniya kubokunun 1/4 finalında “Atletiko”nu məğlub edib, yarımfinala yüksələn “Barselona” “Nou Kamp”da “Vilyarreal”la qarşılaşıb. Oyuna yaxşı başlamayan kataloniyalılar hesabda geri düşüb. Lakin daha sonra Neymar (45), Rafina (54) və Lionel Messinin vurduğu qollar stadiona toplaşan azarkeşləri sevindirib - 3:2.

İspaniya La Liqası

XXI tur

30 yanvar

“Rayo Valyekano” – “Deportivo” - 1:2

Qollar:  Bueno, 22 - Borqes, 10; 72-pen

31 yanvar

“Real” – “Real Sosyedad” - 4:1

Qollar: Xames Rodriqes, 3, Serxio Ramos, 37, Benzema, 52; 76 - Elustondo, 1

“Eybar” – “Atletiko” - 1:3

Qollar: Piovaccari, 89 - Qriezmann, 7, Mandjukiç, 23; 25

“Qranada” – “Elçe” - 1:0

Qol: Kordoba, 56

“Selta” – “Kordoba” - 1:0

Qol: Nolito, 56

1 fevral

“Levante” – “Atletik” - 0:2

Qollar: Aduris, 48; 90

“Almerya” – “Xetafe” - 1:0

Qol: Mendes, 44

“Sevilya” – “Espanyol” - 3:2

Qollar: Fiqyeyras, 26, Vitolo, 35, Aspas, 89 – Stuani, 15-pen, Sançes, 77

“Barselona” – “Vilyarreal” - 3:2

Qollar: Neymar, 45, Rafina, 54, Messi, 55 - Çerişev, 30 , Vietto, 51

2 fevral

“Malaqa” – “Valensiya” – 1:0

Qol: Kastilyexo, 75