İspaniya La Liqasında XXVI turun oyunlarına yekun vurulub. Apasport.az saytının məlumatına görə, açılış matçında “Levante” “Eybar”ı qəbul edib.

Hesabda geri düşən meydan sahiblər əzmkar qələbə qazanıb – 2:1.

Lider “Real” səfərdə Kral kubokunun finalçısı “Atletik”in qonağı olub. Matçın 26-cı dəqiqəsində Arits Adurisin vurduğu yeganə qol Bilbao təmsilçisinə 3 xal qazandırıb.

“Kral klubu”nun məğlubiyyəti isə turnir cədvəlinin 2-ci pilləsində qərarlaşan “Barselona” üçün əla şan olub. Kataloniyalılar “Nou Kamp”da orta sıralarda yer alan “Rayo Valyekano”nu sınağa çəkib. Luis Enrikenin yetirmələri qələbə qazanıb, zirvəni ələ keçirib. “Barsa” rəqibinə divan tutub - 6:1.

Turun mərkəzi oyunu “Atletiko” ilə “Valensiya” arasında baş tutub. “Visente Kalderon”da azarkeşlər 2 qol izləyiblər. Hərəyə 1 dəfə fərqlənən komandalar meydanda “sülh bağlayıb”. Qarşılşama 1:1 hesabı ilə nəticələnib.

Yekun matçında isə autsayder “Kordoba” doğma divarlar arasında “Xetafe” ilə üz-üzə gəlib. Qonaqlar 1:2 hesabi ilə rəqibini məğlub edib.

İspaniya La Liqası

XXVI tur

06 mart

“Levante” – “Eybar” - 2:1

Qollar: Barral, 65, Uçe, 68 - Berjon, 55

07 mart

“Deportivo” – “Sevilya” - 3:4

Qollar: Ryera, 28; 72, Peres, 90+3 – Vitolo, 33; 52, Qameyro, 65-pen, Sidney, 83-avtoqol

“Atletik” – “Real” - 1:0

Qol: Aduris, 26

“Elçe” – “Almeriya” - 1:0

Qol: Rodriqes, 6

“Qranada” – “Malaqa” - 1:0

Qol: Kamaço, 57-avtoqol

08 mart

“Barselona” – “Rayo Valyekano” - 6:1

Qollar: Suares, 5; 90+1, Pike, 49, Messi, 56-pen, 63; 68 - Bueno, 80-pen

“Real Sosyedad” – “Espanyol” - 1:0

Qol: Kanales, 38

"Vilyarreal” – “Selta” - 4:1

Qollar: dos Santos, 41, Musakkio, 45+1, Vietto, 73, Moreno, 84 – Fernandes, 50

“Atletiko” – “Valensiya” - 1:1

Qollar: Koke, 33 - Mustafi, 78

09 mart

“Kordoba” – “Xetafe” - 1:2

Qollar:  Andone, 77 – Viko, 87-avtoqol, Rodriqes, 90+2