Bu həftə Almaniya Bundesliqasında XXXI turun oyunları keçirilib. Apasport.az saytının məlumatına görə, turun mərkəzi oyunu Leverkuzendə baş tutub.

Çempionluğu ötən turdan təmin edən “Bavariya” “Bayer”in qonağı olub. Leverkuzenlilərə ilk “üçlük”dən uzaqlaşmamaq üçün mütləq qələbə lazım idi ki, ev sahibləri 2 cavabsız qolla arzularına çatdılar.

İkinci pillənin sahibi “Volfsburq” Bundesliqada qalmaq uğrunda mübarizə aparan “Hannover”lə münasibətlərinə aydınlıq gətirib. Gərgin keçən qarşılaşmada qalib müəyyənləşməyib. Tərəflər hərəyə iki dəfə fərqləniblər.

Gələn mövsüm Çempionlar Liqasında iştirak edəcək Münhenqladbax “Borussiya”sı isə “Herta”nın qonağı olub. Münhenqladbaxlılar qələbə qazanaraq üçüncü pillədəki yerlərini qoruya biliblər.

Bundesliqa

XXXI tur

2 may

“Auqsburq” – “Köln” - 0:0

“Frayburq” – “Paderborn” - 1:2

Qollar: Petersen, 40 - Rupp, 70, 80

“Hoffenhaym” – “Borussiya” (D.) - 1:1

Qollar: Volland, 33 - Hummels, 36

“Şalke” – “Ştuttqart” - 3:2

Qollar: Huntelaar, 9, 78, Kleyn 89 (öz qapısı) - Harnik, 22, Kostic, 52

“Verder” – “Ayntraxt” - 1:0

Qol: Selke, 66

“Volfsburq” – “Hannover” - 2:2

Qollar: Bas Dost, 24, Perisiç, 45 - Briand, 47, Sane 58

“Bayer” – “Bavariya” - 2:0

Qollar: Hakan Çalhanoğlu, 55, Brandt, 81

3 may

“Maynts” – “Hamburq” - 1:2

Qol: Malli, 76 - Baumqartlinger, 37 (öz qapısına), Kacar, 87

“Herta” – “Borussiya” (M.) - 1:2

Qollar: Ştoker, 13 - Kruz, 11, Traore, 85

Bombardirlər: Aleksandr Meyer (“Ayntraxt”) – 19 qol; Aryen Robben (“Bavariya”) – 17; Robert Levandovski (“Bavariya”) - 16