Türkiyə çempionatının I liqasına yekun vurulub. Apasport.az saytının məlumatına görə, PTT 1-ci liqada 2014/15 mövsümünün əsas hissəsinin oyunları sona çatıb. Yalnız pley-off matçlarının qaldığı yarışda Azərbaycan təmsilçiləri çıxışlarını başa vurub.

2014/15 mövsümündə ümumilikdə 12 təmsilçimiz qonşu ölkədə çıxış edib. Onlardan biri – Vaqif Cavadov 2 klubun şərəfini qoruyub.

Yalnız Cihan Özkara Superliqada oynamaq şansı qazanıbsa, Ayaz Mehdiyev nə yüksək, nə də 1-ci liqada meydana çıxıb.

10 futbolçumuz aşağı dəstədə çıxış edib ki, onlar da çoxu mövsüm başa çatmamış komandasından ayrılıb. I liqada ən çox oyun keçirənlərimiz Ufuk Budakla Branimir Subaşiçdi. Onların hərəsi 30 dəfə meydana çıxıb.

Futbolçularımız 1-ci liqada 13 qol vurub. Cavadov, Subaşiç və Timur Təməltaş hərəyə 3 dəfə fərqləniblər. Vaqif hər iki klubunda qol sevinci yaşayıb.

Türkiyə kubokunda 11 oyunçumuz iştirak edib. Yalnız Cəmşid Məhərrəmov burada oynamayıb. Təmsilçilərimiz burada 4 qol vurub.

Bundan başqa, 3 oyunçumuz əvəzedicilərin çempionatı xarakterini daşıyan U-21 liqasında qüvvəsini sınayıb.

Qeyd edək ki, Türkiyədə legioner həyatı yaşayan təmsilçilərimizdən 4-ü – Özkara, Subaşiç, Budak və Təməltaş milliləşən əcnəbilərdi.

Superliqa

I liqa

Kubok

U-21 liqası