“Qəbələ” 2015/16 mövsümündə ilk matçını bu gün keçirib. Apasport.az saytının məlumatına görə, Topaz Premyer Liqasının bürünc mükafatçısı yeni mövsümə Avropa Liqasının I təsnifat mərhələsindən başlayıb.
Əyalət klubu bu mərhələnin ilk oyununu Gürcüstanın ən adlı-sanlı klubu “Dinamo”ya qarşı keçirib. Postsovet məkanında avrokubok qazanan ikinci klub kimi tarixə düşən Tiflis təmsilçisi ilə qarşılaşma “Qəbələ” üçün 2-ci qitə miqyaslı sınaq idi.
İlk hissə gərgin mübarizə şəraitində keçsə də komandalar fərqlənə bilməyiblər. İkinci hissədə isə "Dinamo" azlıqda qalıb. Qvelesiani 51-ci dəqiqədə kobud oyuna görə meydandan qovulub.
Buna baxmayaraq hesabı açan tərəf də meydan sahibləri olub. Ciqauri 65-ci dəqiqədə fərqlənib.
74-cü dəqiqədə Cavid Hüseynov möhtəşəm zərbə ilə matçdakı tarazlığı bərpa edib - 1:1.
Ancaq ev sahibləri 84-cü dəqiqədə Papunaşvili ilə qələbə qolunu vura biliblər.
Avropa Liqası I təsnifat mərhələsi, ilk oyun
“Dinamo” (Tiflis, Gürcüstan) – “Qəbələ” (Azərbaycan) - 2:1
Qollar: Ciqauri, 65, Papunaşvili, 84 - Cavid Hüseynov, 74
Qırmızı vərəqə: Qvelesiani, 51
Hakimlər: Roi Reynşreyber, David Elias Biton, İdan Yarkoni, Zvi Levi (hamısı İsrail)
“Dinamo”: Libor Qridliçka, Laşa Totadze, Arçil Tvildiani, Giorgi Qvelesiani, Zaza Çelidze, Mate Çinçadze, Giorgi Papunaşvili, Şulaya, Cambul Ciqauri, Vaxtanq Çanturişvili, Giorgi Kvilitaya
Ehtiyat oyunçular: Giorgi Beqaşvili, Giorgi Quruli, Rene Santos, Laşa Parunaşvili, Saba Lobjanidze, Baçana Arabuli, Aleksandr İaşvili
Baş məşqçi: Giya Gegugadze
“Qəbələ”: Dmitri Bezotosnı, Vitali Vernidub, Rikardinyo, Arif Daşdəmirov, Ürfan Abbasov, Rafael Santos, George Floresku, Cavid Hüseynov, Aleksey Qay, Sergey Zenyov, Aleksey Antonov
Ehtiyat oyunçular: Andrey Popoviç, Voyislav Stankoviç, Məhəmməd Mirzəbəyov, Rəşad Sadiqov, Asif Məmmədov, Samir Zərgərov, Dodo
Baş məşqçi: Roman Qriqorçuk
Tiflis. Boris Payçadze adına “Dinamo Arena”