Topaz Premyer Liqasının VII turu çərçivəsində “Qəbələ”nin qonağı olan “Xəzər Lənkəran” 0:6 hesabı ilə məğlub olub. Apasport.az saytının məlumatına görə, böyük hesablı yenilgidən sonra cənubluların məşqçisi Vidadi Hüseynov qarşılaşma haqqında qısa fikirlərini bildirib:

“2 əsas oyunçumuz meydançaya çıxmamışdı. Rasim Ramaldanov və Orxan Əliyev oynamırdılar. Məcbur qalıb, əvəzedici heyətdən oyunçular götürmüşdük. Bu da hesabda özünü göstərdi”. 

Qeyd: “Xəzər Lənkəran”ın baş məşqçisi Yunis Hüseynov səhhətində yaranmış problemlərə görə mətbuat konfransına qatılmayıb.