Azərbaycan çempionatının I divizionunda XI tura start verilib. Apasport.az saytının məlumatına görə, bu gün turun 3 görüşü keçirilib.

Lider “Neftçala” öz meydanında autsayderlər zonasında qərarlaşan “Şahdağ”a heç bir şans verməyib.

“Turan Tovuz” turnir cədvəlinin sonuncu pilləsində qərarlaşan “Energetik”in qapısından səfərdə 4 cavabsız top keçirib.

Günün digər matçında isə “Bakı” “Göyəzən”in müqavimətini qıra bilməyib.

“Neftçala” - “Şahdağ” - 4:0

Qollar: Aqşin Həşimov, 25 (pen.); Elnur Mustafazadə, 39, 69; Elvin Adışirinli, 56

“Göyəzən” – “Bakı” – 0:0

“Energetik” – “Turan Tovuz” - 0:4

Qollar: Vüsal Qarayev, 6, 45+2; Tuqay Alhüseynli, 28; Elsevər Əliyev, 52

Qeyd edək ki, saat 20:30-da “Şərurspor” “Ağsu”nu qəbul edəcək. Turun digər görüşləri isə sabah oynanılacaq.