[b]Çempionlar Liqasında azərbaycanlıya yer olmadı

[b]Çempionlar Liqasında azərbaycanlıya yer olmadı - STATİSTİKA[/b]

27.11.2015 - 16:33

Qadın voleybolçular arasında Çempionlar Liqasının qrup mərhələsinin I dövrəsinin statistikası açıqlanıb. Apasport.az saytının məlumatına görə, qitənin ən mötəbər klub turnirində “Telekom”, “Lokomotiv” və “Azərreyl”lə təmsil olunan Azərbaycan klublarının heyətində ən yaxşı göstərici Aneta Havlikovaya məxsusdu.

“Lokomotiv”in şərəfini qoruyan Çexiya millisinin hücumçusu bombardirlər arasında ikinci yerdədi. Komandasının kapitanı 3 görüşün 11 setində 65 xal toplayıb.

Onunla yanaşı, ilk “onluq”da daha 3 voleybolçumuz yer alıb. Bunlar məhz “Lokomotiv”in toppaylayıcısı Özge Kırdar, “Telekom”la “Azərreyl”in blokçuları, müvafiq olaraq, Qabriela Koyeva və Cessika Consdu (Susan).

Təəssüf ki, klublarımızın yerli voleybolçulara az güvənməsi sarıdan ilk “onluq”da azərbaycanlı yer almayıb. Adətən bu siyahıda Polina Rəhimova, Odina Bayramova və ya Kseniya Kovalenko yüksək sıralarda olurdu.

Ən çox xal toplayan

	Klubu	Oyun sayı	Set sayı	Topladığı xal
1. Tiyana Boskoviç	Əczaçıbaşı (Türkiyə)	3	11	68
2. Aneta Havlikova	Lokomotiv (Azərbaycan)	3	11	65
3. Yeon-Kounq Kim	Fənərbaxça (Türkiyə)	3	12	63

Ən yaxşı blokçular

	Klubu	Oyun sayı	Set sayı	Topladığı xal
1. Maya Polyak	Əczaçıbaşı (Türkiyə)	3	11	13
2. Tiyana Boskoviç	Əczaçıbaşı (Türkiyə)	3	11	13
3. Eda Erdem	Fənərbaxça (Türkiyə)	3	12	13
...10. Cessika Cons (Susan)	Azərreyl (Azərbaycan)	3	9	10

Ən yaxşı top qəbul edənlər

	Klubu	Oyun sayı	Set sayı	Düzgün qəbul (faizlə)
1. Adina Salaoru	Alba (Rumıniya)	3	10	39,29
2. Françeska Markon	Pyaçentsa (İtaliya)	3	10	39,22
3. Elitsa Vasileva	Dinamo (Kazan, Rusiya)	3	10	38,30

Topu oyuna ən yaxşı daxil edənlər

	Klubu	Oyun sayı	Set sayı	Topladığı xal
1. Miçelle Bartş	Dresdner	3	12	12
2. Lusie Bosetti	Fənərbaxça (Türkiyə)	3	12	7
3. Boyana Zivkoviç	Volero (İsveçrə)	3	8	6
...10. Qabriela Koyeva	Telekom (Azərbaycan)	3	11	5

Ən yaxşı toppaylayıcılar

	Klubu	Oyun sayı	Set sayı	Əla ötürmə (faizlə)
1. Naz Aydəmir	Vakıfbank (Türkiyə)	3	8	55,36
2. Ezgi Dılik	Fənərbaxça (Türkiyə)	3	7	54,55
3. Marina Babeşina	Uraloçka (Rusiya)	3	11	45,95
…9. Özge Kırdar	Lokomotiv (Azərbaycan)	3	11	38,78