Topaz Premtyer Liqasının XV turunun ilk günü iki futbolçunun cəzalı duruma düşməsi ilə nəticələnib. Apasport.az saytının məlumatına görə, dünən üz-üzə gələn “Xəzər Lənkəran” və “Qəbələ” növbəti tura itki ilə çıxacaq.

Sonuncular “Neftçi” ilə qarşılaşmada Elvin Camalovu xidmətindən məhrumdu. İlyas Səfərzadə isə AZAL-la qarşılaşmada cənublulara kömək edə bilməyəcək. Hər iki oyunçu mövsümdə 4-cü sarı vərəqəsini aldığı üçün cəzalı duruma düşüb.

4 futbolçu isə cəzanın bir addımlığındadı. Rahil Məmmədov (“Neftçi”), Coşqun Diniyev (“Qarabağ”), Adil Nağıyev 3-cü, Viktor İqbekoyi (hər ikisi “Zirə”) 7-ci xəbərdarlıqla cəzalanıb. Onlar növbəti turda da sarı vərəqə alsa, cəzalı duruma düşəcək.