Azərbaycan yığmasının baş məşqçisi Robert Prosineçki Premyer Liqa klublarındakı həmkarlarını qəbul edəcək. Apasport.az saytının məlumatına görə, görüş bu gün saat 14:00-da Bakı Olimpiya Stadionunda baş tutacaq.

Xorvatiyalı mütəxəssislə 10 klubun çalışdırıcıları arasında bir neçə dəqiqə sonra keçiriləcək görüş zamanı komandaların 2015-ci ildəki çıxışı, yerli futbolçuların hazırkı durumu və gələcək perspektivlər müzakirə olunacaq.

Qeyd edək ki, Robert Prosineçki ötən ilin dekabr ayından Azərbaycan yığmasını çalışdırır.